如何快速製造最潮GIF圖放上Facebook詳細教學 | Sanuker

自從Facebook support咗GIF圖之後,大家都好踴躍咁post好多GIF圖上去,唔知大家有無留意,最近仲好興一種閃得超快嘅GIF圖,比你去揀好似今日晏晝食啲乜、手袋買邊隻色、同老細請假用咩藉口好……click一下就可以決定到你嘅命運!

小編覺得呢種GIF圖真係好有趣,不過搵勻網上面都無相關嘅教學,所以經歷千山萬水嘅研究之後,小編決定造福大家,同你地分享下點樣快速製作呢種GIF圖,等大家都可以製作屬於自己嘅GIF圖,然後放上Facebook同朋友仔開心share!

S__2711563 S__2711564

首先,最重要嘅係你要先整一系列嘅圖片出黎,因為GIF動態圖其實都係由一大堆嘅圖片製造而成。整幾多張就自己話事,愈多張圖就愈多選擇比人揀,我就分別整咗20張圖(即係20個你今年會收到嘅聖誕禮物idea)。

然後,你就可以用製作GIF圖嘅工具整張圖出黎,係電腦整又得,係電話整都得。小編今次就揀咗一個方便又易用嘅手機App:GifsArt。你只要揀晒你想製作成GIF嘅圖片就已經完成架啦!

佢嘅特別之處就係可以比你揀好多唔同嘅effect,其實即係都平時用Instagram無乜分別,我相信一定難唔到平時執開相嘅香港人嘅。不過,為咗保持畫面統一同埋顯示返最原始嘅圖片設計,我就乜野filter都無揀到,我只係set咗每一張圖出現嘅時間長短。越近烏龜的話,每一格的停留時間就會耐啲,越近兔仔的話,每一格的停留時間就會短啲,即係就會閃得快啲啦!

xmas

話咁快就大功告成啦,跟住你只要匯出返去自己電話嘅相簿就可以隨時send比人~不過咁都仲未可以直接share上Facebook架!如果你好似平時咁選擇相片/影片upload上Facebook,係唔會見到GIF圖,只會變返普通唔識郁嘅JPEG。你要將自己嘅大作係其他網站上傳,gen返一條link出黎,再貼上Facebok status,咁就搞掂!

私人醒你地我用開嘅GIF圖upload網:GIPHY。佢仲好方便可以比你直接share上Facebook,咁就唔洗又剪剪貼貼返個網址咁辛苦啦。

唔知你地又抽到咩聖誕禮物呢?我就抽到「加人工」,唔通真係可以願望成真?嘻嘻!

資料來源:GifsArt、GIPHY

Leave a Reply

Your email address will not be published. Required fields are marked *