每日星座運勢為你催吉避凶

占星術可至少上溯至公元前2000年,許多文明都曾通過天文觀測來預測地表事件。然而,科學革命開始後,占星術受到質疑。但我們相信科技與占星能共存,在分析人的性格和心理上相輔相成,因此我們先從微小的每日運勢做起。

Read More

淺黃色短裙仔 VS 辣椒紅外套 | Sanuker

朝早8點鬧鐘一響,擘大眼又係全新嘅一日,鬧鐘提醒我目前已經單身咗超過12,960個小時,而且就快「奔三」成為人地口中嘅「剩女」。有時見到街裡愛人一對對,真係會有寂寞嘅感覺,但係我對上一次同佢傾計嘅異性係我50幾歲光頭啤酒肚嘅老細。如果有個(靚仔)男朋友會每晚打黎氹我瞓、朝早打黎morning call嗌我起身……嘩,諗起都覺得sweet。

不過現實係殘酷嘅,得個鬧鐘會嗌我起身刷牙洗臉換衫返工,唯有睇下今日著咩色旺我谷一谷個桃花運先。


S__1622027S__1622028

「今天幸運裝扮:金黃色,可以加強您的桃花和人緣,讓你充滿魅力。」
「吉時吉色:辣椒紅」

那有金黃色!搵勻晒成個衣櫃都搵唔到一件金黃色嘅衫,隻色咁老土邊會買呀詹師傅!搵咗15分鐘終於係櫃桶底搵到件淺黃色短裙仔,早幾年買落,睇個陣明明好靚,買咗返屋企先發現襯唔到其他衫,所以完全無著過。唉!唯有頂硬上啦,話晒今晚都係我第一次同阿豪見面。

阿豪係我兩個禮拜前係論壇上面認識嘅男仔。

事緣係我最近幫屋企隻肥貓影咗輯靚相,發現大家都好鍾意小動物,越傾就越投契,仲add埋Facebook。阿豪前日約我今晚出黎食餐飯,我梗係一秒應承。上次聽話戴咗條粉紅色手鍊,即刻比我識到個高大威猛側臉都三分似吳彥祖嘅型男,不過出過幾次街之後先發現原來佢已經有女朋友,好彩甩身甩得快!今次我學精啦,已經一早旁敲側擊咗阿豪,問清楚佢而家係單身無女朋友,應該無問題嘅。出黎做咗野之後發現其實好難識到男仔,難得有個啱傾(個樣又唔錯)嘅對象,今次仲唔係機會黎喇飛雲!!

著埋件Sharp sharp紅色外套,今晚應該無得輸啦掛?


boohoofluffyredcoat11

搞掂,出門口!姊妹們,祝我好運!

來源:詹惟中紫微斗數、星座運勢每日送