文字自動變旋律 邊寫邊唱 | Sanuker

1444880524445

唔識睇豆豉寫歌嘅朋友仔,有無諗過唔洗靠音符都可以做到音樂出黎?好似小編咁,我音樂方面真係無乜天份,最叻都係寫下字,誓估唔到而家齋寫字都可以作到歌出黎!

Typatone係一個可以比你邊寫邊創作音樂嘅App(同時都有網頁版),內容係乜都無所謂,你只要輸入文字,佢就會自動幫佢變做音樂。無論係日記,定係小說,你都可以創作出專屬個篇文章嘅音樂出黎!

雖然只係叮叮噹噹嘅樂色,但係可以聽到你寫嘅文字以音樂嘅方式表現出黎都幾特別!可惜嘅就係無得試下用中文作歌,淨係得英文、數字同符號。不如而家就試下玩啦~

P.S. 小編求其打咗幾句英文上去,發現自己作得好難聽……我諗我都係唔適合搞音樂,完。

iOS下載按呢到:https://itunes.apple.com/app/
Android下載按呢到:https://play.google.com/store/apps/

好歌獻給你~最佳工作用背景音樂! | Sanuker

1444791809652

話說小編尋晚開完party,今朝返到公司成個人好似威化咁鬆脆,完全focus唔到,點知又咁啱比我搵到一個網頁好適合放鬆心情,靚又graphic,歌又好聽,望住佢真係人生一大享受。

1444791984907

Yume係一個互動嘅音樂網頁,建議大家使用Chrome瀏覽器。一click入去佢首背景純音樂「Helios」就會自動開始播放,你可以按上下左右嘅菱形前往另一個地帶,背景音樂就會改變。不過呢個都唔係最特別嘅地方,特別之處係你仲可以拖拉畫面上唔同嘅菱形,去製造唔同嘅音效,例如迴音、敲擊樂聲,你完全可以自己jam一首自己鍾意嘅歌出黎!除咗背景音樂會變,拉拖菱形嘅時候背景圖案都會有變化,視覺聽覺同時有一流享受,好正呀師兄!

小編就最鍾意The Sun個地帶嘅背景音樂,非常柔和同放鬆,戴上耳筒之後成個世界好似得番自己一個咁,好舒服,好似真係比溫暖嘅陽光照住咁。做野嘅時候覺得其他聲好嘈?開住Yume較首自己啱聽嘅音樂,邊做邊享受啦!

星期三嘅朝早,大家一於jam番首歌先做野啦,ush!

鋼琴王子男神訓練速成班 下一個周董就是你! | Sanuker

1230511732628_01124270

成日話做男人最緊要三才:好身材,多錢財,聽女朋友話做奴才。其實邊到有咁多靚仔有錢有型高大威猛溫柔體貼幽默風趣會講笑話你聽又識自彈自唱情歌氹你呀!計我話,男人只要呢一才就得啦:才華。唔信你睇下,周董求其係套《不能說的·秘密》彈下琴就瘋靡萬千少女啦。

1444185793264

今次介紹呢個App就係教你學番一技傍身——彈鋼琴!Step by step速成教你變做鋼琴男神,要識女仔easy job啦!

screen640x640

Simply Piano係一個教你彈鋼琴嘅App,唔需要你有任何鋼琴底,真係由零開始教起你。你只要將個電話放係鋼琴或者鍵盤(樂器個啲鍵盤呀下!)上面,然後個App就會辨別到你彈緊乜野音邊首歌。每隻手指佢都編咗唔同嘅number,然後係個音符上面會有數目字指示番比你聽要用邊幾隻手指彈,簡單又清晰!

而且個App仲會即時評價番你彈成點,比建議你改善番彈得唔好嘅地方,等你快速上手學有所成,黎緊聖誕節就可以彈琴表演比女神睇,佢實冧死啦~❤

iOS下載按呢到:https://itunes.apple.com/app/